«ԹԱՐԳՄԱՆՉԱՑ ՏՕՆ» ԹԱՐԳՄԱՆՉԱՑ ՎԱՐԺԱՐԱՆԻ ՄԷՋ

11 Հոկտեմբեր 2018, Հինգշաբթի՝ «Թարգմանչաց Տօն եւ Մշակութային Շաբաթ» խորագրեալ միջվարժարանային Դ. տօնակատարութիւնը կազմակերպուեցաւ Թարգմանչաց վարժարանի երդիքին տակ: Գործունէութիւնները մօտաւորապէս տեւեց 4 ժամ: Գ., Դ. եւ Ը. դասարաններէն 10-ական աշակերտներ մասնակցեցան ծրագրուած մշակութային աշխատանոցներուն: Անոնք սերտեցին թարգմանչաց վարժարանի ուսուցիչներուն հսկողութեան տակ՝ հայկական սովորութիւններ եւ աւանդութիւններ՝ երաժշտութիւն, պար, գծագրութիւն,  խոհանոց,  հայերէն հէքեաթագրութիւն,  մայրենիով աշխատութիւն:

Աշակերտները նախ աշխատեցան աշխատանոցներուն մէջ, յետոյ ներկայացուցին իրենց աշխատութիւնները բեմին վրայ:

Թարգմանչաց վարժարանի Ը. Դասարանի աշակերտները ներկայացուցին «Աշխարհը բեմ է, մարդիկ դերակատարներ» խորագրեալ թատերակը:

Տիկին Թագուհի Զաման երեմուկով հրուշակ պատրաստեց բեմի վրայ, մէկ մէկ անունները յիշատակելով բոլոր սուրբերուն: Ան, փափաքող աշակերտները բեմ հրաւիրեց, որպէսզի անոնք ալ յիշատակեն իրենց ննջեցեալները:

Տօնակատարութեան աւարտին, որպէս յուշանուէր՝ մէյմէկ բազզըլ բաժնուեցաւ հրաւիրեալ վարժարաններուն, որուն վրայ կը գտնուէր Շարլ Ազնաւուրի գծանկարը:

Գործունէութիւնները միասնութեան ոգեւոր մթնոլորտ մը ստեղծեց աշակերտներու եւ ուսուցիչներու մօտ: Բոլորը շատ ուրախ բաժնուեցան Թարգմանչաց վարժարանէն:



Tel: (212) 261 77 51
Bizimle İletişime Geçin
Facebook Flickr Twitter Feed Technorati
Tarkmanças 2012 Tüm Hakları Saklıdır