ՊՏՈՅՏ ՄԸ ԴԷՊԻ ԲԵՐԱ

Օրթագիւղի Թարգմանչաց Վարժարանի Զ. եւ Է. դասարաններու սաներ իրենց ուսուցիչներու հսկողութեան ներքեւ պտոյտ մը իրականացուցին դէպի Բերա: Նախ այցելեցին Արաս հրատարակչատունը: Աշակերտները տեղեկութիւններ ստացան հրատարակչութեան եւ գիրքերու շուկայաւորման մասին: Գիրքերու առեւտուրէն ետք այցելեցին՝ Սէն Անթուան Եկեղեցին: Կարճ Ճաշի դադարէ մը ետք այցելեցին Մարմարա Օրաթերթը: «Մարմարա» օրաթերթի խմբագրապետ Պրն. Ռ. Հատտէճեան եւ  փոխ խմբագրապետուհի Օր. Մաքրուհի Պ. Յակոբեան, ջերմ զգացումներով դիմաւորեցին վարժարանիս սաները: Անոնք պատասխանեցին աշակերտներուն հարցումներուն: Պրն. Ռ. Հատտէճեան մակագրեց՝ Արաս հրատարակչատան կողմէ հրատարակուած՝ «Դուն աղա ես աղա մեր ալիւրը ո՞վ աղայ» խորագրեալ գիրքը՝ Թարգմանչաց վարժարանի աշակերտներու համար: Օր. Մաքրուհի Պ. Յակոբեանի տարեդարձի օրը, մեր «Մարմարա» օրաթերթի այցելութիւնը, բարեպատեհ առիթ մը եղաւ մեզի համար: Բարի մաղթանքներով վերջացուցինք մեր պտոյտը:



Tel: (212) 261 77 51
Bizimle İletişime Geçin
Facebook Flickr Twitter Feed Technorati
Tarkmanças 2012 Tüm Hakları Saklıdır